في حب الهضبة عمرو دياب

13/10/2020 - 2:19:50

كتبت / رانيا لطفى

وانا صغيرة فاكرة ان اول مزيكا واغاني سمعتها كانت صوت عمرو دياب جاي من بلكونة الجيران وفاكرة كمان الناس لما كانت بتقعد في عربياتها أدام محلات الكاسيت منتظرين وصول الالبوم كل أغنية لعمرو دياب بتفكرنا بمرحلة معينة في حياتنا وبذكري معينة أرتبطنا بيه وارتبط بتفاصيل حياتنا وعمرنا بشكل كبير الفترة دي بشوف مقارنات غير منطقية بصراحة فجاءة يقولك ده فلان حفلته زي حفلة عمرو او ده بينافسه ..ياريت قبل ماتقارنو اي فنان بعمرو دياب تعرفو مين عمرو دياب الاول ده اول مطرب عربي دخل موسوغة غينيس للارقام القياسية باكبر عدد جوائز واول فنان عربي يحصل علي لوحة اعلانية ضخمة في نيويورك في التايمز سكوير وصاحب اكتر ١٠ البومات مبيعا مجموع مبيعاتهم ٧٧ مليون و٥٥٠ الف ومجموع المبيعات الاجمالي ١١٠ مليون نسخة ودي ارقام السنة الماضية ياريت بقي نبطل مقارنات لان الهضبة في حتة تانية خالص اكتر من ٣٧ سنة في مكانه ثابت اي اغنية اي اعلان اي حاجة بيعملها بتكسر الدنيا ولا شاغل نفسه بمقارنات ولا بحد عشان كده ناجح ومستمر ومكمل ..واخيرا كل سنة وانت طيب ياهضبة ودايما ناجح ومفرحنا بالبومات ملهاش شبهه واغاني حلوة ومبهجة ..


اسمك
ملاحظة: نرحب بكل مساحات الاختلاف في حدود الآداب العامة وأخلاقيات الحوار وضمن إطار الموضوع، ويرجى مراعاة الكتابة باللغة العربية مع حسن الصياغة وتجاوز الأخطاء النحوية والإملائية، التعليقات المنشورة لا تعبر عن رأي "الشرق الاوسط الاخبارية" الإلكتروني ولا تتحمل أي مسؤولية قانونية حيال ذلك، ويتحمل كاتبها مسؤولية النشر، وللإبلاغ عن أي تعليق مخالف يرجى الضغط على زر "التنبيه" أسفل كل تعليق.

الاكتر قراءة