الحقيقة وبدون زعل

03/10/2020 - 8:13:08

بقلم / محمد امين جاد

فى البدايه أقدم رسالة شكر لنوع عجيب من الناس فأقول لأولئك السيئين الذين كانوا مسئولين وأخطؤوا بحقنا يوماً لقد أعطونا دروساً بالمجان وجعلوا منا أشخاصاً أكثر قوة ننظر للحياة بشكل مختلف فشكراً لهم فحماقة قوم عند قوم عبر ودروس .
فلسفة الانتخابات فى القليوبية فلسفة عجيبة وغريبة تدعو للسخرية على مانراه من سلوكيات وتصرفات ممن يطلق عليهم رجال عندما يأتون مسرعين لمقابلة المرشح وبالاحضان ونسوا الاجراءت الاحترازية التى نص عليها قرار رئيس الوزراء ولكنهم يحرصون على التقاط الصور والكتابة عنهم على المواقع والأشارة الى انهم يملكون البلد وهو لايملك اولاده ثم ينفض السامر ولاتجد لهم وجودا بعد ذلك هذه الفئة من الناس كثيرة تحرص على استغلال الانتخابات للمنظرة وحب الظهور والشهرة فقط ولذا أتساءل لماذا لانفكر بشكل مختلف ؟؟ لماذا لانغير سلوكياتنا المشينة فى مثل هذه الايام ويكون عندنا القدرة لسؤال المرشح انت من قرية كذا اعطيتنا كم صوتا عندما كان عندنا مرشح مثلك فى مجلس الشيوخ وكما اعطيتنا سوف نعطيك المثل بالمثل وأسأل مرة أخرى ماهودور الشباب فى ذلك انتم فين انا أرى ناس موجوده على كل المواقد تتجول مع اربعة مرشحين والمطلوب ثلاثة فقط هو فى ايه انت فاكر لما تتواجد مع اربعة مرشحين تتصف بالنفاق بلاش كده عيب انت رجل محترم .
أصل الحكاية مش حكاية أنك تكون انت ابن مين الحكاية حكاية تربية وقيم وأخلاق ومبادئ الشخص أتربي عليها وأتزرعت جواه القيم والمبادئ والأخلاق الحميدة أصلك الطيب بيبان وقت الشدة من مواقفك من تصرفاتك من أفعالك تجاه الأخرين من أتخاذ القرارات معاهم وجودك بجانبهم وقت محنتهم وبعد المحنة كمان الاصل الطيب بيبان مش في الشدة غلطان اللي يفتكر كده بالعكس الاصل الطيب في الفرح وفي الشدة يفرح لفرحك ويتألم لجرحك الأصل حكاية كبيرة بجد مش بالكلام الأصل بالافعال ناس كتير بتخدع بالمظاهر الكدابة والناس المتلونة بمليون وش وهما في الأخر سراب وقت الجد ما بتلاقهمش الشخص الأصيل مش بمركزه ولا بأهله وعيلته ولا بوضعه ولا برستيجه الشخص الاصيل ممكن يكون شخص بسيط بس أتربي صح علي قيم ومبادئ وعادات وتقاليد سليمة ومحترمة ومن هنا عرف معني الرجولة والشهامة والجدعنة وأتزرع جواه حاجات كتير حلوة هو ده الشخص اللي يتقال عليه شخص أصيل محترم بالبلدي كده أتربي علي طبلية أبوه شخص شبعان عنيه مليانة ما يبصش لحاجة في أيد غيره مهما كانت الحاجة دي أما الشخص اللي لقي كل حاجة عنده سهله قدامه وما فيش حد بيوجهه للصح والغلط ده شخص عمره ما هيعرف يعني أيه معني كلمة مسئولية ويعني أيه قيم ومبادئ وأخلاق وشرف وأكيد مش هيكون عنده أصل ومش معني كلامي ان الناس اللي لقوا كل حاجة عندهم وما تعبوش في حاجة انهم أشخاص مش أصلة بالعكس فيه وفيه علي الأصل فعلا دور ومن غير ما تدور هيبان الشخص ليك من الوهلة الأولي أصله وجدعنته ورجولته ممكن شخص يمثل عليك وقت طويل انه محترم وأصله طيب وهو مش كده مع مرور الوقت هتكتشف أنه مش كده والاقنعة هتتشال وهيظهر معدنه وشكله الحقيقي بدون تزيف لأنه شخص بيهوي التمثيل وبيتقنه وشخص آخر وقت الجد بيظهر معدنه وأصله الطيب هو ده الشخص اللي يقال عليه أصيل بجد الناس مواقف مش كلام وفي أشخاص بيعرفوك بس وقت شدتهم والآمهم لأنهم محتاجينك جنبهم في الوقت ده وبعد ما تخلص مشكلتهم ولا كأنك وقفت معاهم ولا كنت بطيب بخاطرهم وبتسمع لهم وقت ضيقهم ووقت الآمهم لاني خلاص وقتها دورك بالنسبالهم أنتهي الاشخاص دي ما يتقالش عليهم غير أنهم أندال وبتوع مصلحتهم بس اللي عملتوا معاهم بكل خير وده من أصلك أوعا تندم علي خير عملته مع حد أو موقف رجولة وجدعنه مع حد حتي لو الحد ده ما يستهلش كله عند ربنا ما بينساش اي حاجه كل حاجة حلوة او وحشة خير أو شر مكتوبة عنده تحياتي لكل الاشخاص الاصيلة المحترمة اللي بيصونوا العشرة وبيصونوا العيش والملح وبيصونوا بيوت الناس اللي دخلوها وما يجبوش سيرة حد بالباطل أبدا واللى بيلعبوا على جميع الاحبال هنا وهناك بالكذب والنفاق من اجل الفلوس لابد ان تنتهى وسيرتك لم ولن تموت حتى بعد وفاتك ويعيش بها اولادك واحفادك لانك ورثتها ولابد ان توارثها والله شكلكم بقى زفت مش عارف بتمشوا كيف بين الناس انتم فكرين ان الناس مش عرفاكم لا والله الناس عرفاكم كويس انا زعلان على شكلكم وبعد ماوقع القناع من على وجهكم وانكشفتم امام الناس ضحكت وقلت الحجر الداير لابد من كسره وهذه مقولة يقولها كل الناس مش كده ولا أيه ***
===============================


اسمك
ملاحظة: نرحب بكل مساحات الاختلاف في حدود الآداب العامة وأخلاقيات الحوار وضمن إطار الموضوع، ويرجى مراعاة الكتابة باللغة العربية مع حسن الصياغة وتجاوز الأخطاء النحوية والإملائية، التعليقات المنشورة لا تعبر عن رأي "الشرق الاوسط الاخبارية" الإلكتروني ولا تتحمل أي مسؤولية قانونية حيال ذلك، ويتحمل كاتبها مسؤولية النشر، وللإبلاغ عن أي تعليق مخالف يرجى الضغط على زر "التنبيه" أسفل كل تعليق.

الاكتر قراءة