هنا الزاهد ترثي طلعت زكريا بكلمات مؤثره

09/10/2019 - 3:47:27

كتبت - همت الحسيني

نعت الفنان الشابة هنا الزاهد ، الفنان طلعت زكريا ، طليق والدتها شيرين المنزلاوي ، والذي تزوجها لمدة 13 عامًا قبل انفصالهما منذ سنوات قليله ، كما أنه قام بتربيتها وهي صغيره .
وقالت هنا عبر حسابها الرسمي على موقع الصور الشهير " إنستجرام " : دي آخر صورة اتصورتها في كتب كتابي مع أبويا وحبيبي وسندي اللي كبرت معاه سنين .. أنا فتحت الصورة دي من بدري وعايزة أقولك إن ربنا هيدخلك الجنة يا أطيب خلق الله انت ربيت 3 بنات وكأنك أبوهم وأكتر .
وتابعت : " أنا عايزة أقولك إني معرفتش كلمة بابا غير وأنا معاك .. عمري ما قولت أصلا تقريباً بابا غير ليك .. كنت بجري عليك أول معمل حاجة غلط عشان تدافع عني قدام ماما .. فاكرة أول بيض أومليت وقلت لي اعملي مطعم " بالهنا والشفا " واديتني 100 جنيه عشان تشجعني أطبخ .
وأضافت هنا : كنت دايما تقولي انت هتبقى حاجة كبيرة وكنت بتشجعني ، كنت فخور بيا لما اتخرجت وعيطت اليوم ده .. أنا عمري ما حسيت إنك مش أبويا اللي مخلفني .. أنا مش مصدقة إني مش هشوفك تاني وأقولك زازي يا زازي .. نفسي ترجع وأقولك قد إيه إحنا بنحبك كلنا وأقولك إنك أعظم ممثل .. أنا بحبك أوي ومكنتش أعرف إني بحبك أوي كده .. هتوحشني يا أحن إنسان عرفته في حياتي .. أرجو الدعاء .
كان الفنان طلعت زكريا ، قد حرص على حضور حفل هنا الزاهد على الفنان أحمد فهمي ، والذي كان في 11 من سبتمبر الماضي ، وشهد آخر ظهور للفنان الراحل الذي ظلّ جالسًا طوال الوقت ، ولم يتخلف عن الحضور رغم معاناته من وعكة صحيه .


اسمك
ملاحظة: نرحب بكل مساحات الاختلاف في حدود الآداب العامة وأخلاقيات الحوار وضمن إطار الموضوع، ويرجى مراعاة الكتابة باللغة العربية مع حسن الصياغة وتجاوز الأخطاء النحوية والإملائية، التعليقات المنشورة لا تعبر عن رأي "الشرق الاوسط الاخبارية" الإلكتروني ولا تتحمل أي مسؤولية قانونية حيال ذلك، ويتحمل كاتبها مسؤولية النشر، وللإبلاغ عن أي تعليق مخالف يرجى الضغط على زر "التنبيه" أسفل كل تعليق.

الاكتر قراءة