نجم مسلسل " الأب الروحي " يساند منى فاروق برساله مؤثره

12/02/2019 - 2:49:28

كتب - رامى اللبان

ساند الفنان محمود متولي الممثلة منى فاروق في أزمتها الحالية التي تمر بها ، ونشر " متولي " صورة تجمعه بـ " منى فاروق " ، عبر صفحته الشخصية على موقع التواصل الاجتماعي " فيسبوك " وكتب قائلًا : أيوة هي مني فاروق زميلتي واللى بدأنا حلمنا سوا ، أيوة هي مني فاروق الجدعة بنت البلد اللى ضحكتها مكانتش بتفارقها ، هي مني فاروق اللى كانت في أي مناسبة هي تبدأ وتدخل على أي جروب إحنا فيه سوا من أول ما بدأنا على الواتس آب تدخل تقول كل سنة وانتوا طيبين ومع بعض " .
وتابع نجم مسلسل " الأب الروحي " قائلًا : هي مني فاورق أول واحدة ممكن تباركلك برسالة أو تليفون على حاجة عملتها وفي عيد ميلادك تجمع الناس ، هي اللي وقت ما احتاجتها طبطبت عليا وساعدتني ، أيوة والله هي إنسانة طاقتها حلوة وبتدخل أي مكان وهي مبتسمة ومبهجة وكان عندها حلم نفسها تحققه ، أيوة هي اللى انتوا مرحمتوهاش لما وقعت ، هي اللى دلوقتي انطفت واتوجعت وحياتها باظت ، أيوة هي غلطت بس احنا اللى بنحاسبها وبندمرها نفسيا ونسينا أن فيه ربنا فوق " .
اختتم " متولي " قائلًا : حقك عليا يا منى .. أنا مكنتش عايز أكتب حاجة عن الموضوع ، بس طالما أنت ظهرتِ واتكلمتِ يبقى واجب عليا اكتب اللى أنت تستحقيه ، ارحموا الناس أرجوكم واستروهم ربنا يستركم دنيا وآخرة .


اسمك
ملاحظة: نرحب بكل مساحات الاختلاف في حدود الآداب العامة وأخلاقيات الحوار وضمن إطار الموضوع، ويرجى مراعاة الكتابة باللغة العربية مع حسن الصياغة وتجاوز الأخطاء النحوية والإملائية، التعليقات المنشورة لا تعبر عن رأي "الشرق الاوسط الاخبارية" الإلكتروني ولا تتحمل أي مسؤولية قانونية حيال ذلك، ويتحمل كاتبها مسؤولية النشر، وللإبلاغ عن أي تعليق مخالف يرجى الضغط على زر "التنبيه" أسفل كل تعليق.