هذه النسخة للطباعة فقط من [ امل مصر - http://www.amal-masr.com ]
- مجرد رأى (الاحتفال بالفلانتين) - http://www.amal-masr.com/show-105859.html - [ عدد الزيارات :361 ]

مجرد رأى (الاحتفال بالفلانتين)

undefined

لحد النهاردة لسه في ناس ماتعرفش احنا بنحتفل بالفلانتين ليه اقولكم عيد الحب هو اليوم اللي اتعدم فيه القديس الروماني "فالنتين" وأتعدم لان وقتها الامبراطور "كلوديوس"أصدر أوامر بعدم الجواز وقت الحرب لأنه كان فاكر أن الجواز بيضعف الرجال والجنود علي القتال بس "فالنتين" كان بيجوز الأفراد ضد الأوامر والامبراطور سجنه وبعدها أمر بإعدامه يوم ١٤فبراير وده سبب الاحتفال ..تعالو بقي نشوف كل دولة بتحتفل ازاي
بريطانيا: زمان كانت كل البنات اللي مش متجوزة تصحي بدري وتبص من الشباك وكان عندهم اعتقاد أن أول راجل يعدي في الشارع مش هيمر سنة إلا وتتجوزة..طبعا حاليا الاحتفال اختلف بقي عبارة عن تبادل هدايا وورد..طبعا احنا في مصر لو كنا عملنا كده كنا اتجوزنا بتاع الفول محدش بيعدي بدري غيره امريكا: عرفت الاحتفال من الإنجليز زمان وابتدت تحتفل هي كمان وبقي يوم مميز بين المحبين بيخرجو ف عشا رومانسي ويتبادلون الهدايا والورد اليابان: الموضوع مختلف يوم ١٤فبراير البنات بتجيب هدايا للرجالة عبارة عن شكولاتة ف منها نوعين نوع اسمه "Giri choco" وده للزمايل والأصدقاء ونوع تاني اسمه"Honmei choco" وده للمحبين والازواج ويوم ١٤مارس الرجالة بتجيب هدايا للبنات عبارة عن شكولاتة بيضا ومعاها هدية ورد او حلويات طبعا لو ف مصر كانت البنات جابت الهداية يوم ١٤فبراير والرجالة فركشت قبل ١٤ مارس عشان ماتجيبش هدية ايطاليا: اليوم ده إجازة رسمية في البلد زمان كانو بيتبادلو الهداية العادية لحد مابقي فيه هدية مشهورة بين المحبين وهي حبة بندق متغطية بالشكولاته زي "الفوريرو روشيه" احنا لو ف مصر كنا هنفرح بالاجازة بس
الصين: بيسموه "مهرجان اليوم السابع المزدوج" لأنه الاحتفال في اليوم السابع من الشهر القمري السابع بيتزامن مع أسطورة صينية قديمة وبيتبادلو الهدايا برضو الدنمارك: عندهم ثلاث عادات أساسية ١-الكتابة علي كارت شفاف عليه صورة راجل ليقدم هدية لحبيبته ٢-بيبعتو كرات تلج بيضا لاصحابهم وحبابيبهم اسمها "الزهرة البيضا" ٣-ودي الأهم بيكتب الراجل قصيدة أو شعر البنت اللي بسحبها وما بيكتبش اسمه والبنت تخمن مين ولو عرفته بيجبلها هدية بيضة عيد الفصح لنفس السنة نحمد ربنا لو عندنا كان كل واحد جاب حتة تلج من الفريزر وقال عليها هدية او اشتري شعر من الرصيف والبنت عشان تخمن وتعرف هوا مين من وسط الكراشات هتبقي هيصه
مصر: طبعا احنا لازم نحتفل زي كل البلاد بس عندنا منقسمين شوية بيقولو ايه عيد الحب احنا مش عيال ولا فرافير وشوية بيحتفلو ويجيبو هدايا وشوية بيفركشو قبل الفلانتين ويتصالحو بعده عشان ما يجبوش هدايا ودول الاكتر انتشارا الصراحة...بالنسبة للي بيقولو احنا مش عيال ولا فرافير ماشي ياسيدي عرفنا بس خليك رومانسي ده يوم ف السنة يعني ع الأقل عشان الغلبانة اللي بتحبك تحس انها مميزة عندك وأنها زي كل الناس اللي حواليها وما تتقهرش لما تشوف كل الناس بتحتفل وهي قاعدة زي القرد الحزين ف البيت..وبالنسبة للي بيجيبو هدايا خليكم ف المعقول الهدية بمعناها مش بكبرها ولا بسعرها وخليك في حدود امكانياتك مش لازم تستلف عشان تجيبلها هدية واللي عنده امكانيات يجيب طبعا احلي حاجة ف الدنيا...وبالنسبة للي بيتخانقو قبلها سواء بنات أو ولاد الحركة دي قدمت اوي وبقت بلدي بصراحة وشكلكم وحش اوي ياتحتفلوش اسهل بس بلاش الخناق المتوقع دي شكلكم بقي بايخ اووي
اختصار الكلام افرحو بكلمة بكارت بهدية بمكالمة بس افرحو مع حبايبكم مش ناقصين نكد..كل عيد حب وانتم طيبين ***
===========================

- مجرد رأى (الاحتفال بالفلانتين)‏ - http://www.amal-masr.com/show-105859.html
جميع الحقوق محفوظة 2012 لـجريدة أمل مصر